每日8分鐘！攤喺床嘅減腩運動！Coffee完美示範～健康身材＋曲線美

想減肥又有睇YouTube嘅朋友，可能都會好似小編咁，會成日留意Coffee林芊妤嘅瑜伽短片～除咗有一邊教點做～仲要聲音導航，每個Step同大家一齊數住勁貼心～仲有埋Coffee成個真人Show比大家睇佢地運動成果～決心都大啲啊！

Photo from Coffee林芊妤

今次呢套動作比平時嘅更易入手～仲可以攤系張床度做～咁就唔洗擔心香港嘅土地問題啦～每組動作會慢慢升級～絕對唔擔心跟唔到！

第一組動作有啲似跑步動作～一組做40次，每一邊提腳都計一下～

第二組動作Hold住頭先抬腳(大約30度)，肚仔用力，慢慢抬腿到90度，慢上慢落，一組做10次！

第三組動作開始有啲難度～將上身擰向一邊～記得腳要保持畢直，腳尖向天一組做20次！

休息大概10秒～跟住就要開始第四組動作訓練小腹嘅位置～動作比較大幅度～雙腳屈曲向上再慢慢平放。一組做10次！

第五組動作動作又加深咗！不過為咗靚靚嘅肌肉綠條又點可以放棄呢！由左中下上/右中下上，每邊做7組一組做14次

第六組動作睇落簡單，但其實可以收到小腹兩邊嘅位置～令到肌肉再靚啲㗎！Keep住頭先一直抬腿嘅30度～雙腳上下撥(有啲游水嘅動作)

嚟到最後第七組動作！做埋就可以收工啦！！呢次繼續由左中/右中，中間要將雙腿伸直～保持系30度位置～

睇住片做最好就系可以令到自已保持速度，唔會太快或者過慢～仲有咁靚咁健康嘅人板添啊！想知多啲可以Click入呢條Link睇完整動作！

參考來源